امشب کی نیویشتن‌درم بحث روز خوزستان^ آلودگی هوا ایسه. به دلیل خؤشکَ بؤستن عراق^ مردابأن و وارش نوارستن ایران نسأ میان پدیده گرد و غؤبار بوجود بمو‌دره. امیدوارم خوزستان^ وضعیت خوررم ببه و اوشانه مشکل هم حل ببه. چند هفته پیش بحث روز اصفهان^ روباران بؤ. اصفهان چندته روبار دَره کی أن روباران جه شهر^ میان ردَ بید و هسأ أن روباران خؤشکَ بؤستید و اصفهان^ مردومانم ناراحتید و همه‌ی سایتان و خبرگزاری‌ئان^ میان جه خوشان^ مؤشکل گب زنید. چند ماه پیش بؤ کی بحث روز دریاچه ارومیه ببؤسته بؤ. دریاچه ارومیه هم تغییرات آب و هوایی واستی خؤشکا بؤسته. زمین گرمَ بؤستن دَره و مسئولین اصلا به فکر ارومیه و تؤرکان نیئید! خلاصه أن کی ارومیه مردومان هم خؤشان^ صدای‌ئه با قدرت به جهانی‌ئان فرسهنه‌ئید.
واگردیم به بحث روز! همه‌ی ایرانی و خارجی سایتأن جه خوزستان گب زئن‌درید و گیلان^ مردومانم سخت ناراحتید! آخه أن گرد و غبار شه خوزستان^ مردم ریه میان و أشأنه ناراحتَ کونه. نکته جالب کی بیدم مردم گیلان هم اعتراض کونید کی چرأ خوزستان^ وضعیت أتو ببؤسته. اصلا مسئولین کویه ایسه‌ئید ؟ مسئولین وا ایته پیله هواپیما أمرأ روزی 4 بار آسمان^ جأ آب فکؤنید و مصنوعی وارش چکونید!
فقط خییم به اؤ دسته گیلانی‌ئانی کی خوزستان^ واسی به آواز بأموییدَ بگم کی ...
آخرین آماری کی بیده بؤم بگؤفته‌بید کی سرطان گیلان^ میان چندین برابر ببؤسته و أنه دلیلَ آلودگی روباران و مردابان و دریای کاسپین معرفی بکؤده‌بید. بله ! گیلان^ روبار و دریا آلوده ایسه! کثیف‌ترین روبار^ جهان أمی ورجا نئا! اصلا بیگیم أنم تی سر فدا ... تخریب جنگلأن کاسپینی اگه هتو پیش بشه دِ أمان گیلان^ میان دامون نَریم!
أمان گیلان^ میان فقط أن طبیعتَ دَشتیم، نه کارخانه ای و نه پالایشگاهی و نه شرکتی ... دِ هیچ‌چی جه أمی دؤرسفته کشاورزی هم نمانسته. ویر بکؤنید کی دِ أن طبیعتم تا چند سال پیشأشه نأریم.
گیلان^ دورون مؤشکلاتی نئا کی أن سامانه ایپچه‌ایپچه نابؤد کودن‌دره و أمانم خوفته‌ئیم! راستی عکسای خوزستان رو دیدی ؟ بیچاره ها چی میکشند ...
هیچ نظری موجود نیست:
ارسال یک نظر