جه نظر انسان، سک ایته حیوان وفادار و مهربان ایسه.
.در صورتی کی ورگ‌ئان گیدی، سک ورگی ایسه کی خؤ هویتَ به انسانان بؤفروخته
ورگ ببیم أمی هویت^ ره یا ایته سک !؟
۱۳۹۳ مرداد ۸, چهارشنبه
۱۳۹۳ مرداد ۴, شنبه
اتحاد ؟ أمان گیلکیم اتحاد نَریم بَرار ...
فقط ایته گیلانی ایسه کی تأنه بدترین شرایط^ میان خؤ هم زوان^ پؤشتَ خالی بکؤنه. وقتی دؤنیا تی پؤشت نئسه ترأ کک نگزه ولی وقتی دینی تی برار تی أمرأ نئسه دِ ترأ حس و حال نمانه.
اصلا تاریخ و حال و آینده میان هرگز أن اخلاق گیلانیان^ میان از بین نشه، شاید گیلانی‌ئان زبان و هویتَ فراموشأ کؤنید أشأنه جخترأ شه ولی أن اخلاق خوبه پؤشته هم خالی کودنَ فراموش نکؤنید.
.أمان پؤشت هم ایسنَ یاد نیگیفتیم، أمان اتحادَ یاد نیگیفتیم
۱۳۹۳ تیر ۱۴, شنبه
گیلکی گب نوا زئن !!!
امروز کی ماشین بیگیفتم و شوئون دؤبوم فؤمن ایته کؤر و ایته زای أنه أمرأ بَمویید عقب ماشین بینیشتید. ایپچه کی بگؤذشت زای بگؤفت : مامان بزرگ چرا اونجوری حرف میزنه ؟
.کؤر أنه اوجا فده کی : اون رشتی حرف میزنه تو نباید مثل اون حرف بزنه . عیبه
أن گبَ بیشتاوستم تا فؤمن بوشوم فکر میان کی چرَ أتو ببؤسته ... چرَ به أیه فرسه‌ئیم أمی فرئنگ و زوان زاکانه رَ عیب و زشت ایسه
۱۳۹۳ تیر ۱۱, چهارشنبه
جیجار
أمان گیلکان خیلی خوبیم بَره! ایته چؤم بهم زئن^ میان رنگ عوض کونیم و خودمانه أمی محیط أمرأ سازگار کونیم. بؤخؤدا اگه أمرأ تودید دریا^ میان ایپچه کی بگؤذشت آبشش در أوریم. اونه پسی چندته جؤک تعریف کونیم کس‌کس^ أمرأ خنده کونیم کی چوتو ببؤست أتو ببؤسته .
۱۳۹۳ تیر ۱۰, سه‌شنبه
میرزأ کوجی خان
بوگوفته‌بی آئی
هیزار باهار اگه بأیه
نأیی
کِشیم، تی رافائی
تی عطر و یادأ
باد باوأرده
او گرم^ دم أمی جانأ
کی یخ بزه بؤ
باد و بوران^ دورون واجاهانه
أمان هونیم کی، بیم
کیشیم تی رافائی
ابراهیم شکری، سردار^ جنگل خوس^ کیتاب
۱۳۹۲ بهمن ۲۵, جمعه
گیلان نقشه‌ئن جه 1570 ته هسأ
أن پؤست مئن خأیم گیلان نقش‌ان جه اؤ
زومات کی أنه استقلال سر بأموئه بأنم. أنه
واسی ایپچه جه گیلانˇ تارئخ وا بدأنیم
.
أتو کی
شومانم دأنیدی قبلˇ اینکه صفوی‌ئن گیلانه فوتورکن و اونه چاکونن ایرانˇایته ایالتأن،
گیلان دوته واوین بو: یکته «بیه‌پیش» کی اونˇ مرکز لایجؤن بو و أن واوین، سفیدرودˇ
شرقی طرف بو و اؤیته واوین «بیه‌پس» یا سفیدرودˇ غربی طرف بو کی فؤمن اونˇ مرکز بو.
ای دوته واوینˇ مئن دوته قودرت دوبو کی ایته لایجؤن دیل بو و اؤیته فؤمن. بیه‌پسˇ
حکومت موروثی بو و دباج یا اسحاقوندˇ خاندانˇ دس
دوبو. اؤیته واوینˇ مئن نی کیایی‌ئنˇ سلسله حکومت کودن. أن دوته واوینˇ حکومتأن
همیشک کسؤنˇ أمرأ جنگ کأدبون و خالی او زومات قرار بنأن کی جنگه تمنأکونن کی شا
اسماعیل صفوی خوره شا دخأند. اونه پسی اتفاقاتی دکفت کی گیلانˇ هر دوته ناحیه پیله
گیلان، احمدخانˇ دس فأرسه و کمتر پيش بأموبو کی شاهی اونˇ مانسن قودرت بدأره.
۱۳۹۲ بهمن ۲۴, پنجشنبه
پلا سرپؤش !!!
رشت^ میان بأمویید دیشأنَ جمئا کونید.
می پیله مأر مرأ گه دیش رؤ بینیویس: ( پلا سرپؤش اهدایی به مسجد)
اشتراک در:
پست‌ها (Atom)